Здружението на пулмолози на Република Македонија (ЗПРМ) учествуваше на Хибридниот Конгрес на Европската академија за алергологија и клиничка имунологија (EAACI) кој се одржа од 09-11.06.2023 година во Хамбург, Германија. На конгресот во рамките на изложбениот простор, на ЗПРМ му беше доделен простор за сопстевна презентација.

Здружението беше претставувано од страна на претседателот на ЗПРМ, м-р сци д-р Зоран Арсовски, кој оставри контакти со повеќе делегати на Конгресот како и со претставници на повеќе национални здруженија кои беа присутни на Конгресот на EAACI 2023.

Д-р Арсовски го застапуваше ЗПРМ на состанокот на Комитетот на националните алерголошки здруженија на EAACI, кој се одржа на 10.06.2023 година како и на Форумот на Националните алерголошки здруженија кој се одржа на 11.06.2023 година.

Конгресот на EAACI во Хамбург беше извонредна можност да се презентираат досегашните активности на ЗПРМ како и да се оставрат контакти со останатите алерголошки здруженија во Европа како и со сегашното и идното раководство на EAACI.